احذروا الفتنة يامصريين

احذر ياشعب مصر العظيم ان تقع فريسة ويستخدمك الخونة والمأجورون لتسقط وطنك بيديك .. ثوره مصطنعة من استديوهات الدول المتآمرة الجماعات المتأسلمة والخونة والمتآمرين  وغيرهم  لميادين  مصرية  وفيديوهات قديمة مفبركة وتركيب اصوات ومونتاج   كما فعلوا فى  2011   وضحكوا علينا  والناس نزلت تشاهد ما يحدث  ونزولكم   للمشاهدة   هو  من اسقط  البلد.

اذا  ضحك  الاخوان  عليك  مرة  فانت مغسول العقل  لكن لو ضحكوا  مره اخرى فانت ستبقى مغيبا وتقع فى بئر خيانة الوطن واهلك وناسك وبلدك  وبتضيع بلدك بأيدك، حيث لا يلدغ مؤمن من جحر مرتين.

انتبه يا شعب مصر العظيم ان تكون اداة لاسقاط وطنك.. دول متآمرة قامت باستخدام الاخوان المتأسلمين وغيرهم من الخونة والمرتزقة المأجورين كأداة لتنفيذ مخططاتهم ومؤامراتهم ضد مصر والوطن العربى وتم استخدامهم  من قبل وضحكوا عليكم فلاتنساقوا خلفهم وخلف الشائعات الدنيئة والمغرضين المأجورين الخونة اللى بيستخدموكم كأداة ثانية

خطتهم لاسقاط مصر مسرحية من ٣ فصول تتمثل فيما يلي:

*الفصل الاول  اسقاط مبارك ونظامه والشرطة  وهذا الفصل انتهى.

*الفصل الثانى  تصعيد جماعة دينية للسلطة ودعمها لاسقاط الجيش المصرى باثارة حرب اهلية « نموذج سوريا » وهو أمر فى طور الإعداد.

*الفصل الثالث تقسيم مصر ٤ دويلات دولة سيناء ودولة الشمال ودولة الوسط ودولة الجنوب على  ألا تكون اى دويلة فيهم اكبر من اسرائيل .

كيف سينفذون ذلك ؟ بطريقة الصدمة  لهم وكلاء واعوان فى الداخل هما منك وظاهرهم على نفس  مبدئك  بيتم تلميعهم على توجهك و بيمكنوهم من اختراق دهاليز السلطة  ويلمعوهم وفجأة يخرجوهم يعارضون بقصص محبوكة عشان  يهزوا مبادئك وعقيدتك  لان آخر مرحلة عندهم المفروض الشعب يخبط فى الجيش و يفقد ثقته فيه و يثور عليه ويتقاتلوا

المقاول محمد على مش آخر وكيل اتجند واقترب من السلطة عشان يكسب مصداقية لو خرج

واتهم الجيش بالفساد هتلاقى كتير غيره تحدثوا بطريقة غير مباشرة.. اكيد ستجد كتير مخترقين المنظومة فى وقت الهزة الكبيرة من ٢٠١٣ ولسة خلايا نايمة قريبين من السلطة وهيفعلوهم فى وقت معين المهم تكون فاهم اللى بيتدبر لك عشان تقدر تواجه وتفهم اللى بيدور حواليك وما تقعش فى الفخ اللى بيتنصب لارضك وبلدك وهويتك .

مصر من يناير ٢٠١١ بتلاعب منتخب العالم لاجهزة المخابرات والمباراة لم تنته  فى 2013 والجولات متبادلة.. المستهدف هو الجيش المصري.. مش السيسي، ليه ؟ لأنه أقوى جيش فى المنطقة، والـ 10 عالميا، وهو ما يعنى أنه ليس من المفيد أن تبقى مصر متماسكة  وتحقق الانجازات دى وإحنا نسكت، ليه ما تبقاش عراق ولا سوريا ولا دولة مشرذمة.

- الإخوان بيديروا حرب الكترونية سيبرانية عشان عارفين هيستهدفوا مين، العقول إللى بتستجيب لأى حاجة مفبركة وعندها استعداد مطلق لتزييف وعيها،  -الإخوان بيلعبوا على وتر الاسعار و الإصلاح الاقتصادى كويس وعارفين يضحكوا ازاى على الناس، خليك ثابت اوعى تتهز ثق فى جيشك ورئيسك لاتنسق حافظ على بلدك وجيشك فهو الوحيد الباقى

حفظ الله مصر .تحيا مصر وستحيا مصر دائما بحفظ الله وبشعبها وجيشها وشرطتها فى ظل قيادة الرئيس عبد الفتاح السيسى القائد الاعلى للقوات المسلحة ورئيس الجمهورية الذى انقذ مصر وشعبها من مصير اسود كان يدبر لنا ومازال الاعداء يدبرون ويكيدون ويتآمرون ويخططون فانتبه يا شعب مصر وحافظ على مصر وجيشها وشعبها ويجب ان نكون جميعا على قلب رجل واحد خلف الرئيس والقائد . تحيا مصر