حمام.. ورحلة الأهوال!!

صديقى حمام أحمد حسين استغاث بي.. لأنه استقل اتوبيس الشركة العامة لاتوبيس الوجه القبلى من السويس الى نجع حمادي.. وقد تأخر وصولهم أكثر من 6 ساعات.. ما بين أعطال وانفجار ثلاثة كاوتشات من عجلاته.. وفي نهاية الرحلة المشئومة اضطر المسكين.. لركوب ميكروباص حتى يصل بأمان الى أسرته!!

وفى الآخر عرف الركاب..  ان رئيس الشركة " لواء " سابق.. يعني محصن.. وﻻ تجوز فيه الشكوى إلا لربنا سبحانه وتعالى!!

هدأت من روع صديقي.. وقلت له وفيها ايه ياعم حمام.. ست ساعات وﻻ ستاشر ساعة.. هوه مش أنتم صعايدة.. لما نبقى بني آدمين.. ولما نبقي مواطنين..  فى أم البلد دي.. يبقى من حقنا نشتكي للنظام.. و من حقنا نسأل الحكومة على حقوقنا.. اما دلوقتي فليس أمامنا.. إلا الشكوى لله رب العالمين.

اعادتني حكاية حمام ورحلة الأهوال.. لعشرين عاماً مضت.. عندما أبلغوني تليفونيا بوفاة عمي فى البلد.. فبحثت عن اسرع وسيلة للسفر الى بلدي نجع حمادي.. للمشاركة فى تشييع الجنازة.. فاستقر الرأى على أتوبيس تابع لنفس الشركة.. وبالفعل ركبت الأتوبيس.. وتحرك من أحمد حلمى.

وما أن وصل الى بني سويف.. حتى بدأت رحلة الأهوال.. واعطال متكررة وسط الظلام الدامس.. حتى وصلت الى بلدي بعد 14 ساعة كاملة.. يعني الميت كان ساعتها..  اندفن وخلص حسابه.. وأنا لسه فى السكة بكمل عذابي الدنيوي!!

اللي هون علي كل التعب ده.. أحضان امي رحمة الله عليها.. وحرارة الاستقبال من الأهل.. لكني فوجئت بأمي تسألني..  سؤال غريب فقالت بعد أن عرفت بمأساة الأتوبيس:

-تلاقيك يا ضنايا.. اتهريت م البكا على عمك.. طول السكة؟!

* فرددت عليها سريعا.. بكاء إيه يا أمي.. حرام عليكي ده أنا نسيت اسم المتوفي نفسه.. لأن المرحوم خلاص ارتاح.. من ام دنيتنا دي.. وأنا اللي تعذبت بداله 14 ساعة بالتمام والكمال!

فضحكت أمي بشده.. وقالت الله يسامحك يا ولدي.. ضحكتني فى الجنازة!!

خلاصة الكلام:

< سألنى:="" لماذا="" ينجح="" المصرى="" ويبدع="" فى="" الغرب..="" بهذا="" الشكل..="" وﻻ="" يحقق="" هذا="" النجاح="" فى="">

ـ قلت: لن اجيبك إلا بما قاله عالمنا الكبير احمد زويل.. عندما اجاب عن نفس السؤال بقوله:

< فى="" هذه="" البلاد="" يساعدوا="" الفاشل="" حتى="" ينجح..="" اما="" فى="" بلادنا..="" فنحن="" نتفنن="" فى="" تعطيل="" الناجح.. ="" حتى="">

< واضيف="" لك..="" ان="" المبدع="" فى="" مصر..="" يخوض="" حربا="" ضروسا..="" ضد="" تكتل="" يضم="" الفشلة..="" وفاقدى="" الموهبة..="" وكل="" هؤلاء="" يعملون="" بدأب="" واصرار.. ="" على="" وئد="" موهبته..="" دون="" ان="" يبذلوا="" اى="" مجهود="" ليكونوا="" مثله..="" لانهم="" يدركون="" انهم="" فشلة..="" حسبنا="" الله..="" ونعم="">

*و الله مهما فعلوا..  فلن يمنعوا نجمك من الصعود الى عنان السماء!!