وطن.. بلا حفاضة!!

< قال="" مستنكرًا:="" تخيل="" ياخى..="" رحت="" أجيب="" حفاضات="" للواد="" ابنى..="" لقيتها="" زادت="" من="" 76="" جنيهًا..="" إلى="" 122="" جنيهًا="" مرة="">

- قلت: يا أخى ابنك -واللى زيه م الأطفال الصغيرين- لازم يخلوا عندهم شوية دم.. لازم يكون عندهم شوية وطنية.. م النهاردة هوه وأصحابه.. لازم يرفعوا شعار.. «وطن بلا حفاضة.. خير من حفاضة.. بلا وطن!! »

وطن.. بلا طعمية!!

< قال="" بكل="" غضب:="" تخيل="" يا="" سيدى="" قرص="" الطعمية..="" بقى="" بنص="">

- قلت: ياخى خلى عندك دم أنت وهوه.. خلى عندك شوية وطنية.. م النهاردة لازم يكون.. شعارنا كلنا.

وطن بلا طعمية.. خير من طعمية.. بلا وطن!!

وطن.. بلا مواطن!!

بص بقى يا سيدى.. بعد ما قرفتنى فى عيشتى.. وكل حاجة أقولك سعرها ولع بجاز.. تقوم تقولى وطن بلا طعمية.. ووطن بلا بصل.. ووطن بلا سكر.. ووطن بلا حفاضة.. ما أروح انتحر أنا أحسن.. وأريحكم من وشى.. عشان يبقى عندكم «وطن بلا مواطن.. أفضل من مواطن بلا وطن»!

بيضة.. شرك!!

< المواطنة="" بيدها="" جنيه="" واحد:="" لو="" سمحت="" عايزة="">

- البقال مستنكرًا: ما ينفعش.. البيضة بمية وثلاثين قرشًا!!

* المواطنة: طب والنبى الله ﻻ يسيئك.. ادينى الصفارة بس بجنيه!!

- البقال: ﻻ ما ينفعش.. طيب شوفيلك حد.. يدخل معاكى شريك فى البيضة.. وياخد هوه البياضة وانت الصفارة.. أو تشدى حيلك وتاخديلك بيضة كاملة.. بالقسط على 6 شهور.. وبرضه تاخدى الصفارة بس.. وتصبحى على مصر بالبياضة.. خلى عندك شوية وطنية يا ولية!!

نجع حمادى.. مصرية!!

يا جدع.. خلّى عندك دم منك له.. «نجع حمادى» أرض مصرية.. دى فيها بيت أبوى.. يا عم انت!

الدستور.. والكستور!!

فى مصر.. لا فرق بين «الدستور».. و.. «الكستور».. كله بيتفصل.. على المقاس!!

كلمة أخيرة لأستأذنا جلال عامر

يموت الإنسان مرة واحدة فى العمر.. لكنه يموت يوميًا فى وطن.. بدأ فيه الأمر اكفل «طفلاً».. ثم اكفل «أسرة».. ثم اكفل «قرية».. حتى وصل الأمر لأكفل «وطناً».