رضوى الشربيني تكشف عن مواصفات زوجها المستقبلي وعلاقتها بأبو بناتها

 تصدر اسم الإعلامية الشهية رضوى الشربيني مواقع التواصل الاجتماعي وتريند جوجل، بعد تصريحاتها المثيرة للجدل عن الزواج ومواصفات زوجها المستقبلي خلال لقائها ببرنامج "أنا والقناع"، عبر قناة "الحياة"، مع الإعلامية منى عبدالوهاب. 

 

 اقرأ أيضًا: رضوى الشربيني تكشف قصة حب حقيقي عاشتها بعد انفصالها

 رضوى الشربيني تكشف مواصفات زوجها المستقبلي:

 كشفت الإعلامية رضوى الشربيني عن مواصفات زوجها المستقبلي، في حال أقدمت على خطوة الزواج مرة أخرى، بعدما انفصلت منذ فترة طويلة عن والد ابنتيها تيا وتمارا، قائلة: "عايزة الراجل يكون قادر علشان أنا ست قادرة، وعلشان العفو عند المقدرة، وكل ما هيكون راجل قادر كل ما مش هيبص على أخطائي وعلى الثغرات في الحاجات اللي بعملها وهيكبر دماغه، ومش هيبص على عيوبي". 

 

 وتابعت الشربيني حديثها مع الإعلامية منى عبدالوهاب: "يكون راجل قوي ويقويني ويبقى ضهري وسندي، ويتكلم معايا في البرنامج والحياة، ويستعمل قوته معايا مش عليا، ولو قرر إنه مش عايز رضوى الشربيني مش هيعمل حاجة تجرح رضوى الشربيني غير إنه هيتواجه معاها ويقول أنا آسف مش قادر أكمل". 

 

 

 وأضافت: "لازم يكون ناجح ومقدرش أتجوز راجل مش ناجح ولا أنا أنجح منه،

ولازم يكون عنده طموح ويتقي ربنا في معاملة البني آدمين وأنا مش أولهم، والدته ووالده، ولازم يكون بيحبني أوي ويهتم بيا أوي ويعرف يتعامل معايا لأني صعبة أوي، ويكون حنين وطيب ودمه خفيف ومقدرش أتجوز راجل دمه مش خفيف أبدًا، ولازم يبقى شيك في نفسه وخفيف كده، وخير اللهم اجعله خير صحيت من النوم". 

 

 رضوى الشربيني عن طليقها: "أبو بناتي ولو عاد الزمن هتجوزه تاني"

 قالت رضوى الشربيني بأنها لم تندم على الزواج من أبو بناتها رغم انفصالها لسنوات قائلة: "والله ما ندمت.. الزواج أثمر عن أحلى حاجة في حياتي.. ابنتي".

 

 وأضافت رضوى: "لو هقارن بين الألم والوجع ضحية الانفصال وبين بناتي، أنا عايزة أتوجع كل يوم، ولو عاد بي الزمن هتجوزه تاني".