رامي جمال يكشف سبب توقفه عن علاج البهاق

حل الفنان رامي جمال ضيفً مساء أمس مع المطربة وعد ببرنامجها "عالوعد"، وتحدث خلال الحلقة عن العديد من المواقف التي تعرض لها بعد إصابته بمرض البهاق، وسبب توقفه عن العلاج.

(اقرأ أيضًا) رامي جمال يطرح سابع أغاني ألبومه الجديد (فيديو)

وقال رامي ردًا على سؤال وعد: "ايش أكثر صعوبات مريت فيها؟"،: "أكثر صعوبات لما ربنا ابتلاني بالبهاق، أنا كنت الأول شايفه مشكلة وجيت في وقت لما لقيت أشخاص بتتصرف عن غير علم أو جهل بالموضوع، كنت شايفه الحاجة اللي ممكن تبوظ مستقبلي، لأن دايما معلوماتنا عن الفنان أن شكله يبقى كويس".

وعن سبب امتناعه عن تناول أدوية البهاق والتي تقلل من ظهوره أضاف: "أول ما لقيت البقع بدأت تبان بدأت أدور على دكاترة وهو حاجة ملهاش علاج للأسف ولكن ليها حاجات توقف انتشاره، وأنا كمان ممنوع منها علشان عندي سكر فممنوع بالنسبالي آخد كورتيزون وبقيت مضطر أسيبه ينتشر في جسمي".

إصابة رامي جمال بالبهاق

وكان قد فاجأ المطرب الشاب جمهوره في نوفمبر من عام 2019 بإعلانه إصابته بالبهاق، عبر صفحته الشخصية على موقع التواصل الاجتماعي "فيسبوك"، قائلًا: "الحمد لله الذي أحبني، فابتلاني وأقدرني على الصبر.. من فترة ظهرت بقع بيضا في جسمي، وبالكشف عرفت إنها مرض البهاق، وجربت أنواع علاج كتير، ودكاترة كتير، ومفيش فايد، بقى بيزيد لدرجة لفتت نظر ناس كتير، اللي بقى يقوللي هتتعامل إزاي وانت فنان، واللي يخاف يسلم عليّا، واللي يسألني هو ده مُعدي".