شاهد.. عمرو عبدالعزيز يوجه رسالة لمنتقدي زفاف محمد فراج وبسنت شوقي

وجه الفنان عمرو عبدالعزيز رسالة لمنتقدي حفل زفاف الفنان محمد فراج والفنانة بسنت شوقي، وذلك عبر صفحته الشخصية على موقع التواصل الاجتماعي الشهير "فيسبوك".

اقرأ أيضًا.. "رسالة مليئة بالحب".. شاهد ماذا قال محمد فراج لزوجته بسنت شوقي في يوم زفافهما

 

وكتب "عبدالعزيز" عبر صفحته قائلًا: " على الناس المريضة اللي بتكتب كلام وحش شبه وشهم كده على فرح فراج وبسنت.. ليه يا جماعة الناس بتكتب كلام وحش لتقل خيرا أو لتصمت بدل ماتقولوا ربنا يسعدهم أو تتمنولهم الخير".

 

وتابع: "ليه بتقولوا  كلام زى ده على ٢ في يوم فرحهم وتقولوا كلام يجرحهم.. تخيلوا كده لو يوم فرح ابنك أو أخوك أو بنتك وحد كتب كومنت زى اللى انتوا كاتبينوا ده

وانتوا جيتوا بعد كده شوفتوه هيبقى إحساسكم ايه وقتها مانجرحش الناس ونضايق الناس لو سمحتوا اتمنوا الخير و الفرحه للناس".

 

وأضاف: "واحد وواحدة فرحانين إن ربنا كرمهم واتجوزوا بعد تعب ومجهود سنين بجد الناس بقت وحشة قوى والخوف منهم بيزيد يوم بعد يوم".

زفاف محمد فراج وبسنت شوقي

وأقيم أمس الجمعة حفل زفاف كل من الفنان محمد فراج والفنانة بسنت شوقي، وذلك بمنطقة سهل حشيش بحضور عدد من الأصدقاء والعائلة ونجوم الوسط الفني.