"العيال عايزين مننا ايه؟" كتاب يساعد الأمهات على فهم أطفالهم

أصدرت دار الخان للنشر والتوزيع حديثًا كتاب "العيال عايزين مننا ايه؟" للكاتبة نورهان أبو الفضل، أخصائية نفسية للأطفال؛ لمساعدة الآباء والأمهات على فهم أطفالهم، ومعرفة ما يفكرون فيه وما يحتاجونه.

ويحتوي كتاب "العيال عايزين مننا ايه؟" على خليط من نظريات علماء التربية بأسلوب مبسط باللغة العامية، وطرحت العديد من المشكلات وقدمت الحلول وطرق التعامل معها، مثل طرق التواصل والعقاب و خلق علاقة سويه وذكريات لا تنسي بين الطفل ووالديه.

وكتبت المؤلفة على غلاف الكتاب: "شايفه نفسك إزاي؟ حاسة بالذنب طول الوقت عشان بتزعقي ليل ونهار، واللا شايفة نفسك اتجننتي لأنك بترجعي تصالحي وتبوسي فيهم؟ ممكن تبقي حاسة إنك مقصرة؟ أم بقلب رقيق لا يحتمل السيطرة علي أطفالها بحزم؟ واللا حاسة إنك مجرد أم عادية؟ وإيه المشاعر اللي بتحسي بيها؟ بتقولي لنفسك كلمات معينه في مواقف القلق؟

إيه الموقف إللي حسيتي بعده بنضج وتغيير جواكي وجوا أولادك، إنتي مش مقصرة ولا مجنونة إنتي كل ما تقاومي الإحساس ده بيتصدر لك من المجتمع! لما بتفقدي الاستقرار ويتحول الواقع لضغط ضغط، ومع إنك شايفة الأمومة مش سهلة إلا إنك بتحاولي تتعلمي إزاي تكوني أم ناجحة، خدي استراحة محارب وحضري مشروبك المفضل إنتي تستحقي إنك تجددي طاقتك، حافظي علي حدودك النفسية من أي أحكام أو تنظير، وعلي فكرة إنتي مش مجرد "أم" عادية.. إنتي "أم" ودي كلمه كفيلة إنك تكوني شخص مش عادي".