بنات مصر خط أحمر| بلاغ للنائب العام ضد البلوجر السعودي مطلق السلطان بعد إهانته للمصريات: بيتأجروا بالساعة (فيديو)
بنات مصر خط أحمر، هاشتاج يتصدر منصات السوشيال ميديا، بعدما أطلقته مصممة الأزياء رشا أمين ومجموعة من الفتيات اللاتي تعرضن للتحرش اللفظي والإهانة غير الأخلاقية من قبل بلوجر سعودي مشهور يُدعى مُطلق السلطان، وجاء ذلك أثناء ظهوره في فيديو بث مباشر عبر حسابه الشخصي بموقع التواصل الاجتماعي الأشهر "فيسبوك".
اقرأ أيضًا..
السعودي مطلق السلطان يسب المصريات بأبشع الألفاظ
وكشفت رشا أمين تفاصيل تعرضها للإهانة من السعودي مطلق السلطان، بعدما وجه لها أبشع الألفاظ الخارجة والسباب حينما قامت بالتعليق على اتهامه للشعب المصري بأنه يشتهر ببعض الحركات و الكلمات الغير لائقة، ما اضطرها للرد عليه قائلة: " كل شعب عنده حركات مش حلوة بس الشعب المصرى أصيل جدع وابن بلد".
وأوضحت "رشا" أنه لم يتقبل منها النقد وانهال عليها بالسباب والألفاظ الخارجة حيث قالت: "لقيت كمية شتايم نازلة عليه منه وسخرية واستهزاء .. ورديت عليه قولتله "طيب ليه قلة الأدب كل ده علشان بقولك أن الشعب المصرى جدع وابن بلد وأصيل؟ أنت كدا...... الخ" هتلاقوا ردى عليه فالكومنتات اسكرين شوت".
وتابعت: "المهم أن أى بنت تدخل تدافع عنى تتشتم وطبعا خلانى ملطشة وفضل يستهزء بيا وفى بعض الكومنتات من سعوديات بيستهزؤوا بيا.... الخ .. وفى ناس كتيرة اتصدمت من أسلوبه وكلامه وأنا واحدة منهم وبنات كتيرة قالوله كدا".
وأضافت: "وأنا للأسف مش سجلت اللايف ولا أخدت اسكرينات لأن كان كل همى أرد عليه فاللايف ومكنتش عارفة أنه هيمسحه .. رديت عليه بكل أدب واحترام .. ونزل بعدها بوست وكتب : "يا رشا يا فشلة"" وبيضحك ولما فى ناس قالتله عيب كدا وقالتله أنى محترمة وهو العكس مسح البوست".
وأكدت "رشا" أنها ستقدم بلاغا للنائب العام والمجلس القومي للمرأة
مطلق السلطان عن بنات مصر: بيتأجروا في الساعة بـ 200 جنيه
واستكملت: "عرفت أنه طلع انهارده فى لايف قبل اللايف ده وقال إن فى بنت في الساحل عملتله حاجة إشارة أو حاجة باديها راح مسكها من شعرها وقعها فالأرض وداس عليها بالجزمة وإن اللى معاها مش رجالة... الخ .. وإن فى ناس بتهاجمه فالكومنتات وكان رده عليهم إن البنات عندنا بتتأجر بالساعة ب 200 ج وكلام كتير مش محترم"
واختتمت "رشا" كلامها بالمطالبة بحقوق المرأة والدفاع عنها حيث قالت: "المهم أنا عايزة أعرف هو احنا فين حقوقنا ليه البلاد العربية شيفانا كدا .. أنا مش هسكت عن حقى .. تيجى بلدنا تقعد بأدبك غير كدا مش هنسمح .. #بنات_مصر_خط_أحمر .. انت بتسئ لنفسك ولبلدك".
بلاغ للنائب العام ضد السعودي مطلق السلطان ومطالبات بطرده من مصر
من جهتها، توجهت مصممة الأزياء رشا أمين لتقديم بلاغ للنائب العام تتهم فيه السعودي مطلق السلطان بإهانة المصريات بأبشع الألفاظ مطالبة بتوقيع أقصى العقوبة عليه و منعه من دخول البلاد.
