مصطفى شوبير: موسيماني رفض رحيلي عن الأهلي
كشف مصطفى شوبير، حارس مرمى النادي الأهلي، كواليس تلقيه عروضًا للرحيل عن صفوف القلعة الحمراء خلال انتقالات الصيف الماضية.
قال شوبير في تصريحات تليفزيونية، "كان في عرضين في بداية الموسم، كان في كلام وكلاء كتير لكن في النهاية كان في عرضين رسميين من أندية في الدوري الممتاز".
وأضاف: "أنا وافقت أخرج إعارة في بداية الموسم وكان عندي رغبة لكن النادي رفض وأنا تحت أمر النادي، وبالنسبالي الباب مش مقفول في رغبة الرحيل في انتقالات يناير، الرغبة موجودة ولكن منتظر قرار النادي بالموافقة أو الرفض".
وواصل: "كارلوس كيروش ضم 2 حراس من المنتخب الأولمبي لمعسكر المنتخب المصري، يعني أنا لو خرجت ولعبت مثلًا ممكن ألاقي نفسي بنافس الشناوي في حراسة المنتخب".
مصطفى شوبير يتحدث عن كواليس مباراة القمة:
تحدث مصطفى شوبير، حارس مرمى النادي الأهلي، عن كواليس غرفة اللبس بين شوطي مباراة الأهلي والزمالك، التي انتهت بفوز المارد الأحمر بخمسة أهداف مقابل ثلاثة.
قال مصطفى شوبير: نتيجة المباراة توقفت عند 5 أهداف لأسباب عدة، وعدم زيادة الأهداف قلة تركيز وأننا حسينا إن المباراة بقت أسهل بعد الهدف الثالث، وده اللي كان الكلام
عليه في أوضة اللبس".
وأضاف: "في أوضة اللبس اللي حصل خلاني أحس إننا خسرانين 3 – 0 مش كسبانين الزمالك، من الطريقة والزعيق والأسلوب اللي حصل حسيت إننا خسرانين".
وواصل: "كان لازم نعمل ده علشان في ماتش السوبر المحلي في برج العرب في وجود فايلر كسبنا 3 في الشوط الأول، والزمالك رجع في المباراة بعد إصابة لعيبة في المباراة، وكان وارد الزمالك يتعادل".
واختتم شوبير تصريحاته: "محمد الشناوي كان بيتكلم بجدية قوي إن المباراة لسه مخلصتش ولسه في 45 دقيقة تانية، وإن زي ما الأهلي جاب 3، في شوط الزمالك يقدر يجيب 3 في شوط، افتكروا ماتش السوبر ايه اللي حصل، وده نفس اللي أكد عليه موسيماني، إنه عاوز يزود عدد الأهداف".
لمزيد من الأخبار اضغط هنا